Кәкімбек Салықов

Ғарышкер – халық жақыны

Бұл бетте «Ғарышкер – халық жақыны» атты Кәкімбек Салықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
01.01.2025
0
0
706

(Тоқтар Әубәкіровке)

Қазақтан шыққан ғарышкер
Тұңғышы болып топ жарды.
Қызу қанды намыскер,
Ардақтайық Тоқтарды!
«Ерлікке бізде орын көп...»
Толтыра түсер санатын.
Бола берсін жолың деп
Жайғызайық қанатын.
Әне, сонда азамат
Өз өресін өлшетер.
Қажымас, талмас қазанат
Тұлпарлығын көрсетер.
Тұңғыш болу – мектебі
Азаптан туған ғажаптың.
Ерлігі – дастан, ертегі,
Сұңқары Тоқтар қазақтың.
Ғаламдық қонған кең жігер,
Байқады әлем бай қорын.
Өзімсіп қазақ кең жүрер,
Құшағын жайып Байқоңыр.
Өмірі лайық сыйлауға,
Ғарышкер – халық жақыны.
Өз батырын жырлауға
Жалықпас қазақ ақыны.
Тәжірибе бар жол ұстар,
Қолайлысын жинаса:
Гагаринді орыстар,
Сыйлайық, қалай сыйласа.

2004.
Астана

Кәкімбек Салықов Тоқтар Әубәкіровке Қазақтан шыққан ғарышкер ғарыш ғарышкер Байқоңыр ғарышкер туралы өлең ғарышкер – халық жақыны К

Пікірлер (0)

Пікір қалдырыңыз

Жиі қойылатын сұрақтар