Өлең, жыр, ақындар

Ақ қайыңдар арасында ауылым

  • admin
  • 01.01.2025
  • 0
  • 0
  • 227
Жасыл жайлау, Сарыарқа төсін кернеп,
Аппақ орман әшекей көсілді өрнек.
Ақ маралдар тізбегі секілденіп,
Ақ қайыңдар барады Есілді өрлеп.
Жан толқытқан ақ қиял, сылқым елес,
Таусылар ма шертсе де мың күн кеңес?!
Ақ қайыңдар ішінде туған адам
Жүрегі аппақ болмауы мүмкін емес.
Осы араға келіппіз адам болып,
Мекен құрды аймақты бабам қорып.
Жасыл қамзол, ақ көйлек
Мама қайың
Елестейді көзіме анам болып.
Талай тарлан осы өңір туған жері,
Қыздар сұлу жаралды-ау, ұлдар сері.
Тұнып жатыр тұңғиық ақ көлдерде
Мағжан аға көкірегін буған шері.
Аппақ нұрға кеткендей әлем толып,
Ақ қайыңдар келбетін келем шолып.
Шоғырмағы әдемі әжімделген
Кәрі қайың көз салды әжем болып.
Көріністер еткенде қысым-қыспақ,
Бала қайың тұр жасыл жүзім ұстап.
Мені көріп ажары арайланған
Кетті біздің көршінің қызына ұқсап.
Мойыл көзі мөп-мөлдір зіл артатын,
Зіл артатын, ішінен құмартатын.
Туған ауыл дегені осы екен ғой,
Тереңіңнен тәтті өлең шығартатын.

2009



Пікірлер (0)

Пікір қалдырыңыз

Сен едің ғой...

  • 0
  • 0

Ауыл жаққа құстай ұшып асығам,
Көрсем деймін ақ қайыңдар қасынан.
Сен едің ғой ақ дидарың аңсатып,
Екі көзге көктен жұлдыз тасыған.

Толық

Бейсебаев Жезқазғанға келгенде

  • 0
  • 0

Бейсебаев Жезқазғанға келгенде
(Мәсімхан Бейсебаевқа)
«Басшы болып қалаға сайланғанда,
Кәкімбек Салықов

Толық

Төңірек көріктенді көктем келіп

  • 0
  • 0

Төңірек көріктенді көктем келіп,
Табиғат жаны кірді көркемденіп.
Беу, шіркін!
Кәкімбек Салықов

Толық

Қарап көріңіз