Сезім деген - алпауыт – Құсайын Бекнұр

Өміріңді қаламасаң өткізем деп сәтсіз қып,
Қалу керек сезім деген жүрегіңде тәтті із боп.
Көктемгі самалдай сезімге мен жол бұрдым
Маған мүлде жоламашы, ендігәрі - сәтсіздік.

Сезім деген - алпауыт ол, құшағы кең, жаны кең,
Алпауыттың ортасында жол таба алмай қалып ем.
Сол жолыма нұсқауды да көрсеткен жан сен едің,
Сондықтан мен жалғыз сені қызғанамын бәрінен.

Өзің барда көлдей мұңнан, селдей мұңнан жұбанам,
Боламын мен өзің үшін сынасаң да шын адал.
Самалдайын кештерінде сүйіп қалдым көктемнің
Аттандырып жіберсе егер мен сол сәтке қуанам.

Жанға жақын болса-дағы дүниедегі күллі адам,
Бір сәтте де бақытыңды күту керек Алладан!
Маңдайыңа жазылады, Алла жазған несібең,
Хақ Тағалам сәтін салса, тағдырыңда мен болам!