Кітап

  
Кітап маған үйретті көп білімді,
Кең дүниенің ашты небір сырларын.
Кітап қана көңілді етті өмірді,
Кітаптан мен мол қазына жинадым.

Кітаппенен сапар шектім әлемге,
Кітаппенен шештім талай жұмбақты.
Кітаптағы жазулардың астында,
Кіл бақытқа жетелейтін сыр жатты.

Қосып оқып сөздер менен сөйлемді,
Қиналмайтын жеттім бүгін жағдайға.
Қоғамдағы ең табысты адамдар,
Қалдырыпты тау-тау кітап артына.

Сонда жазған насихаттар арқылы,
Санамызға сіңіреміз сабақты.
Сабақ бізге береді көп өнеге,
Сан мың түрлі нұсқау беріп жан-жақты.

Кітаппенен дос болайық бәріміз,
Кітап кілті шын бақыт пен табыстың.
Кітап сені қалдырады тарихта,
Кітаптың тек жаза білсең тәуірін.

Гүлмекен Қасенбайқызы
01.04.2025

---