Өлең, жыр, ақындар

Белгісіздік

Болашақ расымен белгісіз,
Оны ойлап, көңіліме келді сыз.

Қасиеттен жұрдай болып адамдық,
Молаға кірпіш болып қаландық.

Өлеңді мен жазбаспын ерігіп,
Болашаққа жетелейді мені үміт.

Өмірімнің жоғалғандай мәнісі,
Азынайды минут сайын тән іші.

Оның емі бәлкім болар иманда,
Мәз болыппын дүниені жиғанға.

Тақуа бол, ібіліске әл бермей,
Еліктеме ақымаққа дәл мендей.

Келешек шынымен беймәлім,
Оны ойлап, таусылады кейде әлім.

Ойлағанда түбі келер ажалды,
Аударамын басқа жаққа назарды.

Өтеді әр секундым уайыммен,
Өлімге болмағасын дайын мен.

Сәт туар ма, біз жақтан да күн атар?
Жалғыз үміт тас көңілді жұбатар.

Алданып экранға сенсорлы,
Адастым бағытымнан мен сорлы.

Түк емес қасіреттің толғаны,
Иманымнан айырылмасам болғаны.

10.08.2025
Есбол БОЗАН



Пікірлер (0)

Пікір қалдырыңыз

Махаббат мехнаты

  • 0
  • 0

Жан болсам сезімді сезбес мүлде,
Сүйгеніммен келмес еді кездескімде.
Тамамдап махаббат сапарымды,
Жүрегімді қорлатпаймын енді ешкімге.

Толық

Белгісіздік. Екінші нұсқа

  • 0
  • 1

Келешекте не күтіп тұр — белгісіз,
Бұны ойлап, жүрегіме келді сыз.

Қасиеттен жұрдай болып адамдық,
Молаға кірпіш болып қаландық.

Толық

Нағыз бақыт

  • 0
  • 0

Нағыз бақыт — ғылым менен өнерде,
Пайдаң тисе, сауап жасап көп елге.
Нағыз бақыт — қанағат пен иманда,
Сабырлықта, сақтай алсаң егер де.

Толық