Дәулетке

Дәулетке

Келіп жетті алпыс жас аламын деп алқымнан, Үлгі алған ұрпақсыз ата дәстүр салтымнан. Екі езуі құлақта Дәукең былай айтады: «Еркелеткен айналдым бәйбішем мен халқымнан».

Ұлдар қонып ұяға, қиясына қыз кетті, Зырлап өтіп уақыт алпыс жаста тез жетті. Сыбағасын сыйлаған мына жалған өмірде, Алпыс жылғы еңбекке есеп берер кез кепті.

Жемісінен белгілі үлгі тұтар жанұя, Сүттей болып ұйыған сіздей болсын бар ұя. Өмірден алып орнын еңбек еткен балалар, Ғалымжан мен Бауыржан, Мәдина мен Әлия.

Аман болсын бәйбішеңіз, шай құятын сүтпенен, Тосын сыйлар ұсынсын сіз ешқашан күтпеген. Күлім қағып жүзіңіз, денсаулығын сыр бермей, Дәукең аға жете бер мақсатына діттеген.

17.04.2014 жыл

---