Астана. Қараша – Yerlan

Астананың қарашасы:
Қар аралас жауындатып,
Борандатып, дауылдатып,
Осы боп тұр "тамашасы".

Күздің соңғы айында бұл:
Көк тайғақты жерді көрдік,
Сырғанаған елді көрдік,
Салып қойды уайымға бір.

Ғашықтарға қарасаңыз:
Мойымады, бет түзеді,
Көңілді күн өткізеді,
Биіктеген аласаңыз.

Қала берсін осы қалып:
Сәлем - түзу, есендікпен,
Сыпайылық, шешендікпен,
Қатарласты қосып, анық!

Күтеріміз, тілеріміз:
Той көбейсін атқарылар!
Үміті бар арттағылар,
Үзілмесін күдеріңіз!