Елдіктің мәңгі асқақтап тұрсын қазығы! – Карабаева Фарида

Тәуелсіз таңы — нұрлы боп жанған жарығы,
Бабалар салған дара жол даңқтың азығы!
Тұлпардай рухпен, шарықтап елдің есімі,
Елдіктің мәңгі асқақтап тұрсын қазығы!

Желбіреп тұрған көк байрақ бүгін көгімде,
Қырандай еркін самғайды енді елімде.
Намысты сақтап, тәуелсіз елді мұрат қып,
Азаттық пенен бірліктің заңы төрімде.

Сарыарқа – сазым, төрім де менің тағам да,
Қасиет тұнған тау-тасы менің даламда.
Қазағым, қайран, мерейлі халқым, кең жүрек,
Шыңырау рухпен, биікте сарай-алаңда!

Желтоқсан желі – ерліктің мықты үні ғой,
Бостандық таңы – намысшыл жүрек жыры ғой.
Сол ерлер салған іздері міне бүгінде,
Азат ел болып, қайғысыз бізде сенімді ой!

Елімнің бағы – ұрпағы биік көрінген,
Түңілмес рухы — жүректе гүл боп өрілген.
Қазақы елдің ертеңгі таңы жарқырап,
Кетпесін мәңгі намыс пен жігер көңілден.

Туған жер, шіркін, ерекше төрге лайықсың,
Жылытар жанды, шабыттандырар жайықсың...
Кеңдігі менің соншалық байтақ жеріңде,,
Ұлттарға түрлі айқара құшақ жайыпсың.

Туымнан түспес күн нұры, түнде ай нұры,
Тілменен дінім – үйлескен бірге сайлығы.
Құндылық болған, аманат болған бабамнан,
Тәуелсіз елдің асқақтай берсін айбыны!

Қайсарлық рухы – мәңгілік жан мен қанымда,
Ерлік пен намыс — жүректің түпкі жанында.
«Елім» деп соққан әрбір жас «біздік» жүректе,
Қызмет етеміз, Қазақстаным менің барында!

Мәңгілік елдің ұраны – еркін, азаттық,
Жадыңнан шықпай, есіңде болсын қазақтық!
Тәуелсіз рухтың мәңгілік сөнбес шырағын,
Мықты ғып ұста, айбынды туын ғажап қып!