Өлең, жыр, ақындар

Өз тіліңде бәрі де алғаш қаланды

  • 21.09.2017
  • 0
  • 1
  • 7195
Ата заңда айшықталған асқары,
Кем көрмейтін өзге тілді, басқаны.
Қазақ тілі – ұлттың тілі, өз тілің,
Ол – тәуелсіз мемлекеттің бастауы.

Осы тілмен өсті де ұрпақ, жетілді,
Осы тілмен бойға рухы бекінді.
Сондықтан да тілін сүйсе әр қазақ,
Өз анасын сүйгендігі секілді.

Өз тіліңде бәрі де алғаш қаланды,
Осы тілде алдың биік бағаңды.
Осы тілде мейірім естіп анаңнан,
Сен де солай еркелеттің балаңды.

Өз тіліңде талай мәрте ән салдың,
Табиғатын сезіндің де барша әннің.
Өз тіліңде білімді алғаш алдың да,
Өз тіліңмен биікке алғаш жол салдың.

Сондықтан да оны өшпейтін жыр дестің,
Ұстазбен де осы тілде тілдестің.
Ана тілде тыңдадың да жырды алғаш,
Сол арқылы өз ұлтыңмен үндестің.

Өткен шақта асқақтатып күйіңді,
Жауыңа да өз тіліңде шүйілдің.
Жаратқаннан медет тілеп, кей уақыт
Қысылғанда өз тіліңде сиындың.

Дейді әр перзент анам жайлы жаза алам,
Шындық – сонда, ана деген – ғажап ән.
Біле білсең, асыл ана тілің де
Секілді боп тұрады кейде өз анаң.



Пікірлер (1)

Құрбанкүл

Керемет екен

Пікір қалдырыңыз

Білімділер

  • 0
  • 0

Жоққа бәрін шығармай бұрынғының
Жаңалығын ап келді бүгінгі күн.
Соны игерер ұл-қызға дана қазақ
Күні жарық деп кеткен білімдінің.

Толық

Шәкірт алғысы

  • 0
  • 1

Бағалар шәкірттік өткенін,
Міне, енді түлек боп самғармыз.
Ұстазым, аяулы мектебім,
Білімді сіздерден алғанбыз.

Толық

Қожабақы боздақтары

  • 0
  • 0

Сұрапыл соғыс бұзды да
Тыныштық бейбіт ақ таңды.
Қожабақының төрінен
Азамат жауға аттанды.

Толық

Қарап көріңіз