Өлең, жыр, ақындар

Ару-болмыс

  • 13.10.2015
  • 0
  • 1
  • 9552
Сен біреуге басыңды име,
Олар саған иілсін.
Лайықсың жасын күйге,
Иілгенің-дүйім сын.
Бағбанын сен тосқан бақсың,
Махаббаттың жолы-ақ.
Сені біреу аспандатсын,
Аяласын қолына ап.
Нәзіктіктің күйінде сен,
Жүрекке әнің құйылсын.
Өзгелерге иілме сен,
Олар саған иілсін.
Біреулерде жатса да есеп,
Ісі оңынан келмесін.
Сен жайлы жұрт айтса да өсек,
Шын сүйген жан сенбесін.
Өзгелерге иілме дәл,
Арманға сол бастатпақ.
Сен тәкаппар күйіңде қал,
Қыс сезімің асқақтап.
Мейлі өмірді теңіз десін,
Болсын бірақ ел аман.
Шын махаббат сені іздесін,
Лайықсың сен оған!



Пікірлер (1)

Ерлан

Альбина деген есімге өлең керек срочно

Пікір қалдырыңыз

Алғашқы ұстазға

  • 0
  • 8

Білімнің жинай білсек бүгін нәрін,
Ұстаздың еңбегі деп ұғынғаным.
Алғашқы ұстаз, бір сіздің арқаңызда,
Бұл күнде шарлай алсақ білім бағын.

Толық

Азаттықтың Ата Заңы

  • 0
  • 1

Бір шақта азаттық деп алаңдадың,
Жаңғырды сол тарихың санаңда мың.
Тізесі барды бүктіріп, елдік құрып,
Басы барды еңкейткен қағандарым!

Толық

Туған жер

  • 0
  • 2

Сенде есейіп, сенде артады ұғымым,
Сенде өткізген балалығым – ұлы күн.
Отан деген не десе егер, сен дер ем,
Кие қонған туған жерім, тұнығым!

Толық

Қарап көріңіз

Басқа да жазбалар