Кім кепіл? – Карабаева Фарида

Кім кепіл бұл өмірдің барысына?
Кім кепіл ертеңімнің табысына?
Бүгінгі күн – бір бақыт қас қағым сәт,
Ертеңгі күн түссе қиын сағы сынға.

Кім кепіл келеріне нұрлы таңның?
Кім кепіл боларына барлық заңның?
Мақсат қойып алаңсыз жүргеніңде,
Айтшы, досым, қанша рет күйіп-жандың?!

Кім кепіл жүрек толық соғарна,
Кім кепіл өмір оты соларына?
Сағат тілі сырғып өтіп жатқан кезде,
Өміріңнің мәнді-мәнсіз боларына.

Кім кепіл жайнарына бау-бақтардың,
Кім кепіл келеріне шат шақтардың?
Өмір жолы — бұралаң бір белес-тау,
Әр қадаммен жүрегіме сыр ақтардым.

Кім кепіл ұзақ болар жолымызға,
Кім кепіл мыңға жетер қолымызға?
Бәрі Алла жазғанындай болары хақ,
Сабыр құс қона берсін оңымызда.

Кім кепіл, білмейміз ғой дәл ертеңді,
Кім кепіл, қайда апарар бұл ертегі?
Бүгінгі сәт – қымбат болсын әрбір жанға,
Кеуде соқпай, тыңдай білгін жан еркеңді.