Мазалама

Мазалама
(Тапсырыспен жазылған)

Сен маған сағыныш мұң сыйлап кеттің,
Мәңгілік махаббатпен қинап кеттің.
Бейнеңді өшпестей ғып сақтаттың да,
Өзіңмен жүрегімді ұрлап кеттің...

Қ-сы:
Қайтар енді жүрегімді өзіме,
Қайта-қайта қарай берме көзіме.
Сені жақсы көру маған қауіпті,
Өтінемін от тастама сезімге!

Сен маған ғашықтықты ұғындырдың,
Өмірден қарап тұрып түңілдірдің.
Жалт етіп аяқ асты пайда болып,
Күні-түн телефонға үңілдірдің.

Қ-сы:
Өтінем енді мені мазалама,
Ғашықтық дертіменен жазалама.
Жаралы жүрегімді қырық жамау,
Бүтіндеп, емдеп болдым жаңа ғана!

Гүлмекен Қасенбай
12.28.2025

---