Тоғызбұлақ мекенім

Тоғызбұлақ мекенім

І. Сары менен Шобалдың құт мекені,
Тоғызбұлақ - Қапездің туған жері.
Самал желмен ырғалып би-билейтін,
Белуардан келеді шүйгін шөбі.

Қ-сы:
Шет Меркінің етегі,
Тоғызбұлақ мекенім.
Түгін тартса май шыққан,
Жер Жәннаты бір өзің!
Көк майсасы шұрайлы,
Тәтті ірімшік, құрт-майы.
Тоғызбұлақ ауылым,
Төріңде бар Көлсайың.

ІІ. Жайдақбұлақ, Жалаңаш екі шеті,
Қорған болған тауың бар ол - Шет Меркі.
Тау тұлғалы азамат болып жүрген,
Тауға қарап өскен көп перзенттері.

Қ-сы:
Тоғызбұлақ ауылым,
Ауылға кел бауырым.
Тіл үйірген дәмі бар,
Жал-жая мен қазының.
Бал татыған қымызы,
Таңқурай мен қыр гүлі.
Қонақжай, ашық, кеңпейіл,
Албанның дархан бір елі!


Ынтымағы жарасқан,
Тату-тәтті елі бар.
Аспанменен таласқан,
Шыңдары бар, белі бар.
Елге сіңген еңбегі,
Қолы ашық жомарт көп.
Тоғызбұлақ ауылым,
Жасай берсін өркендеп!

(Әні жоқ. Әуен шығаратын сазгерлерге мархабат)
Гүлмекен Қасенбай
07.11.2025

---