Жәннатқа кірсем – Гүлмекен Қасенбай

Жәннатқа кірсем, уайымдамаймын әжімді,
Өйткені Раббым, мәңгі жас етер тәнімді.
Шашым ағарып, тістерім мүлдем түспейді,
Аяқ-қолым да, сезбейді ешбір ауруды.

Жәннатқа кірсем, толып кетпеймін семіріп,
Жеп-жеңіл құстай, самғай жөнелем секіріп.
Хор қызы менің сұлулығыма таң қалып,
Әлем аруы, бармағын шайнар, өкініп...

Жәннатқа кірсем, үстімнен жұпар аңқиды,
Жолда қалдырар иіс қой тіпті Гуччи-ді.
Алтын сарайда, алтын кесемен ас ішем,
Бал-шәрбат ішем, іздемей шай мен шырынды.

Жәннатқа кірсем, армансыз қонақ шақырам,
Айнала толы қызметшім хор қыздардан.
Не ойласам да, алдымнан дереу табылар,
Бақытты өмірді қазірден бастап сағынам...!

Армандар болсаң, осы өмірді арманда,
Уайымға батпай, өткінші мынау жалғанда.
Бұл өмірде де, бақытты өмір сүрейік -
Мәңгілік өмір, ұмыт қалмасын санаңда.

Жәннатқа кіру - бұйырар ма екен шіркін-ай,
Рақымына бөлеп, мейірімін төксін бір құдай.
Аллаһтан өзге табынарым жоқ бас иіп -
Өзіңнен басқа ешкімге өтейін сыйынбай!

Гүлмекен Қасенбай
05.03.2026