Жаңа заман ақымағы – Эльдар Ишберген

Ғаламтордың кереметін тек білдік.
Тор емес ол - пасықтарға еркіндік.
Абай айтқан сөз түсінбес ақымақ
Жаңа заман, жаңа адам - серпіндік.

Себеп болған жар табуға талайға.
Интернетті адам жаман санайма?
Пікір жазып көрінгенге кісі боп.
Патша болады “диван” деген сарайда.

Перне басат, тағдырларға үкім қып.
Жалған “батыр”, сөзінде жоқ бүтіндік.
Әркімдерге ит боп үред тоқтаусыз.
Діншіл де емес, жүрегінде күпірлік.

Қызғанады, көреалмайды басқаны.
Қара дақтан жүрегі де лас жаны.
Есімдері кейде өтірік, кейде шын.
Суретте де бейне қойған басқаның.

Соңында шын ақиқаттан қашпаңдар,
Жалған даңқпен биік шыңға аспаңдар.
Адамдықты жоғалтпасаң – ұтқаның,
Жүрек таза болса ғана асқақтар.