Тәртіп – Ілияс Жансүгіров

Бұл бетте «Тәртіп» атты Ілияс Жансүгіров жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Шалмен бірге келгенде,
Құралыпты кетпендер.
Қара қайыс, көн иық,
Өңшең бейнет шеккендер.
Шығып жатыр бір өңкей,
Атын «әтмет» еткендер.
«Әтмет» соғып тұрғаны
Басындағы бригад.
«Маған әтмет соқтың ба?» –
Деп әлгі құдияд.
«Мұнша неге кешіктің?
Отағасы, бұл ұят…» –
Деп еді, шал қызарды.
Айтты сонау кетпенді:
«Сап іздедім, саптадым,
Соған уақыт кеткен-ді…» –
Бұрын неге саптамай,
Кімге айтасың өкпеңді…
Әлгі шалды састырып
Біраз қысты бригад.
Қасындағы жігіттер
Әлгі шалға жымияд,
Отағасы жеңілді,
Кешіккені тірі ұят!
Шалдың өзі «шал» емес,
Түскен кісі істерге.
Аты менен түйесін,
Қосқан кісі күштерге.
Колхоз болған ауылда
Істемеген тістер ме?
Сондықтан шал қысылад.
Шал ұйымда, шеңберде.
Шал сондықтан қысылад
Сәл кешігіп келгенге.
Жаңа жұмыс кезінде
«Кетпен саптап…» дегенге.


Пікірлер (0)

Пікір қалдырыңыз

Жиі қойылатын сұрақтар

Тәртіп өлеңінің авторы кім?

Ілияс Жансүгіров — осы өлеңнің авторы.

Тәртіп өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Тәртіп өлеңі не туралы?

Бұл өлеңде Ілияс Жансүгіров өз ойы мен сезімін көркем түрде жеткізеді.

Тәртіп өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері