Мағжан менің алыбым – serikovernar2009

Бұл бетте «Мағжан менің алыбым» атты serikovernar2009 жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Жанымды жегі жейді, байқалмай мұң,
Қара сөзбен қатырып айта алмаймын.
Қалам берші қолыма, қалам берші,
Мағжаным деп жекіріп айқайлайын.

Ұлтым қайда Мағжандай елім демек?
Тұлға дермін өзіңді елден ерек.
Күш жігермен суғарған ағашыңды
Жатыр бүгін күллі әлем көлеңкелеп.

Жерде аяғың болса егер, көкте демің,
Ертегіні ертеңің еткен едің.
Алашымның алыбы, алпауытым,
Алпыс құлаш татитын көк терегім.

Үңіліумен куәмін жағдайыңа,
Ана сүті біткелі таңдайыма.
Тек бір сұрақ көкейді тесіп жатқан:
Бақ па? Сор ма? Жазылған маңдайыңа?

Шуақты шолпан жұлдыз нұрындайсың,
Жыр жолымен жүріңдер, жығылмайсың.
Жүрегімнің түбінде өрнектелген
Адалдықтың ақ жібек туындайсың.

Дара сезім демеуі ғаламаттың,
Ал сезімнің жағдайын қарамақ кім?
Лириканың шыңына атын жазған
Мағжан дермін символы махаббаттың.

Жырларыңды оқумен көп түнегем,
Көлеңкесін паналап көкшіл емен.
Сен жастардың лаулаған жалынысың,
Биіктердің биігі, көк тіреген.

Мен құрбанмын жолыңда тиярымның,
Ізгілікті бойыңнан жияды ұлың.
Поэзия пырағы өзің десем,
Түген қалған мен сенің тұяғыңмын.


Пікірлер (0)

Пікір қалдырыңыз

Жиі қойылатын сұрақтар

Мағжан менің алыбым өлеңінің авторы кім?

serikovernar2009 — осы өлеңнің авторы.

Мағжан менің алыбым өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Мағжан менің алыбым өлеңі не туралы?

Бұл өлеңде serikovernar2009 өз ойы мен сезімін көркем түрде жеткізеді.

Мағжан менің алыбым өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер

Басқа да жазбалар