Жас алпыстан асқан соң

Бұл бетте «Жас алпыстан асқан соң» атты Шәкәрім Құдайбердіұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.04.2015
  • 1
  • 2
  • 18486
Жас алпыстан асқан соң,
Өлiмге аяқ басқан соң,
Тіршіліктен оянып,
Көзiмдi анық ашқан соң.

Хақиқаттың қымызын
Iшiп, бүгiн мас едiм,
Тазалап жүрек ындызын,
Нәрестедей жас едiм.

Шақырды бiр перiште
Тәнiмдi емес, жанымды.
Өтiрiк деп керiспе,
Осы сөзiм нанымды.

«Неге отырсың байланып,–
Дедi‚ – байғұс, тұзақта.
Әуре болма айланып,
Лайық орын бұ жақта».

Құбылмалы сарай бұл
Құм үстiне салынған.
Сансыз байдан қалған тұл,
Жарай ма оған жалынған?

Өмiр үйi желде тұр,
Yмiт үйi – сағымда,
Көз жетпейтiн көлде тұр,
Iздеген ерiк бағыңда.

Жасыл күмбез iшiнде
Жан-тәнiмен кiм азат?
Бұл тiршiлiк тұсында
Бола алмайсың шын азат.

Қабағыңды аш, қайғырма,
Берiлгенге разы бол.
Анық ойдан айрылма,
Ашылған жоқ еркiн жол.

Бақтың гүлi күлсе де‚
Уәде бердi демеңдер.
Гүл соларын бiлсе де‚
Кейiмейдi кемеңгер.

Тәттi сөз бен түзу ой –
Тағдыр сыйы емес пе?
Әуре қылма‚ жаным‚ қой‚
Менi күндеп егеспе!


Пікірлер (2)

Тоғжан толегенова

Оте керемет олең маған ұнады барлық шумағы осы ма ?

Пікір қалдырыңыз

Жиі қойылатын сұрақтар

Жас алпыстан асқан соң өлеңінің авторы кім?

Шәкәрім Құдайбердіұлы — осы өлеңнің авторы.

Жас алпыстан асқан соң өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жас алпыстан асқан соң өлеңі не туралы?

Бұл өлеңде Шәкәрім Құдайбердіұлы өз ойы мен сезімін көркем түрде жеткізеді.

Жас алпыстан асқан соң өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері