Өлең, жыр, ақындар

Сусамыр

  • 07.02.2016
  • 0
  • 0
  • 1951
Айттым, саған арнармын,
Егер менен туса жыр.
Арасында таулардың
Алтын арал — Сусамыр.
Той жамылған мұз, қардан
Бізбен бірге бұлт ұшып,
Құлайды ол құздардан,
Бізбен ойға бір тұсіп.
О, Сусамыр, жолыңда
Кездесті бір атпазы.
Қыран бүркіт қолында,
Артына ерген ақ тазы.
Өз өлеңін жол айтты,
Бір шырқап, бір төмендеп,
Өз өлеңін шал айтты
Үлкен тойдан келем деп.
Асқар тауда бұлт ойнап,
Көрінбейді күндіз күн.
Келеді екен жұрт тойлап
Қырық жылдығын қырғыздың.
Айттым, саған арнармын,
Егер менен туса жыр.
Арасында таулардың.
Алтын арал — Сусамыр.



Пікірлер (0)

Пікір қалдырыңыз

Тәтті көрші, тату дос

  • 0
  • 0

Жыр арнадым мен де ұлыңның біріндей,
Саған деген көңілім бар күніңдей.
Саған деген сезімім бар аяулы
Өзбекстан, өз бақшаңның гүліндей.

Толық

Көктем көрінісі

  • 0
  • 0

Қара бұлт қарақұстай қанат қағып,
Алатау қатпар-қатпар қабаттанып,
Күңіренген күн астында қылт етеді,
От тілін найзағайдың жалап қалып.

Толық

Жол дәптері

  • 0
  • 0

Жол дәптері жанымның
Жазылмаған беттері.
Бар онда Алтай тауының
Асулары, өткелі.

Толық

Қарап көріңіз