Асқар Тоқмағамбетов

Ауданнан шықты Айдабол

Бұл бетте «Ауданнан шықты Айдабол» атты Асқар Тоқмағамбетов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

05.04.2019
0
0
1592

Ауданнан шықты Айдабол,
Колхозға барды айдап ол.
Бастықтарды шақырып,
Бұйырып тұр ақырып:
— Малдарың қалай, семіз бе,
Төлдерің қалай, егіз бе?
— Көріңіз көзбен, түсіңіз...
— Нанбаймын ба лебізге, —
Деді де бастық жөнелді,
Алысқа бармақ ол енді.
Машинадан түскен жоқ,
Әлі тамақ ішкен жоқ.
Алысқа кетті айдап ол,
Колхозға жетті Айдабол:
— Болдыңдар ма жем тасып,
Болдыңдар ма кең шашып ?
Сендерге тығыз тапсырма —
Сендерге бұйрық қолма-қол!.. —
Деді де тартты ауданға,
Қайта оралып Айдабол.

бастық сықақ өлеңдер Асқар Тоқмағамбетов ауданнан шықты айдабол Асқар Тоқмағамбетов өлеңдері

Пікірлер (0)

Пікір қалдырыңыз

Жиі қойылатын сұрақтар