Өлең, жыр, ақындар

Тарбағатай түтіні

  • 07.02.2016
  • 0
  • 0
  • 11574
Жалаң аяқ жарысқан
Айналаның тал бәрі,
Айдалада арыстан —
Тарбағатай таулары.
Жаңа ғана шудасын
Жаңбыр жуып өткендей.
Жаңа ғана шың басын
Самал тарап күткендей.
Көк жиекпен ұштасқан,
Көз жеткісіз аумағы,
Алтаймен қол ұстасқан
Тарбағатай таулары.
Таулар жатыр салқындап,
Бұлтқа тосып арқасын.
Бүркіт қана саңқылдап,
Оятады жартасын.
Ақ қайыңдар жас нұрға,
Жас ауаға шомылған,
Жалпақ аспан астында
Көз алмайды жолыңнан.
Шөккен нардай бітімі,
Ар жағынан адырдың.
Көрінеді түтіні
Аз ұйқылы ауылдың.
Сол түтіннен бір қырда
Қалған күнді танисың,
Әкеледі мұрныңа,
Жаңа піскен нан исін.



Пікірлер (0)

Пікір қалдырыңыз

Бейне бір аңызындай ертегінің

  • 0
  • 0

Жазықсыз ебелекті жұлатұғын,
Қазықсыз көбелекті қуатұғын.
Балалық күндеріңді сағынасың,
Іздеген су маржанын, құм алтынын.

Толық

Алматыда ленин ескерткіші

  • 0
  • 0

Тұр тұғырда аршындап ол аттамай,
Кетпейді оған күн мен ай қонақтамай.
Қарауылда тұрады қызыл гүлдер
Қызыл жұлдыз қадаған солдаттардай.

Толық

Ленинград ақындарына

  • 0
  • 0

Соққанда сойқан дауылдар,
Темірді ұнтап,
Тас жұтқан,
Қалдыңдар қалай, бауырлар,

Толық

Қарап көріңіз