Сырбай Мәуленов

Бидай туралы баллада

Бұл бетте «Бидай туралы баллада» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
8097

Күн күледі,
Гүл күледі қырларда.
Әрі күн боп,
Әрі гүл боп
Жатады дән қырманда.
Айтады күн:
— Нұр алдың деп сен менен.
Айтады гүл:
— Түр алдың деп сен менен.
Күн сөзіне
Күліп бидай қарайды.
Гүл сөзіне
Күліп бидай қарайды.
Өз жүзінде
Күн нұры бар,
Гүл түрі бар арайлы.
Сенен нұр ап,
Сенен түр ап,
Өстім туған даламда.
Дейді ол бірақ,
Маңдай терін төккен маған
Борыштымын адамға.
Күн күледі,
Гүл күледі,
Қырларда.
Қызыл жұлдыз — қызыл бидай
Жанады от боп қырманда.

Cырбай Мәуленов өлеңдері Бидай туралы баллада өлеңі

Пікірлер (0)

Пікір қалдырыңыз

Жиі қойылатын сұрақтар