Сызықтар – Сырбай Мәуленов

Бұл бетте «Сызықтар» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.02.2016
  • 0
  • 0
  • 2212
Сызықтардың сыры жұмбақ тұмандай,
Келем оның құпиясын ұға алмай.
Мүмкін сызық түспей қағаз бетіне
Көңілдерде жүзіп жүрген шығар жай.
Жоқ, сызықтан жатыр тарап жол талай,
Ол мұнара, ол бір күмбез, ол сарай.
Ауа арқалап, жарық жинап келдім деп,
Үйіңе еніп сөйлеседі ол солай.
Ол білінбес бір ғажайып сиқырлы үн,
Ол ақыны қиял менен цифрдың.
Ол бөлмеңнің жылылығы, тірлігің,
Күзетшісі сенің тыныш ұйқыңның.
Әрбір сызық жаңа орман, каналдар,
Әрбір сызық жаңа қорған, қамалдар.
Әрбір сызық жаңа күннің картасы,
Сол картадан келешекті қараңдар.
Тұр оларда таңдандырар бар қызық,
Тіптен олар жатқан да жоқ сан тізіп.
Тек қағазда айқыш-ұйқыш сызылып,
Қала болып сөйлеседі әр сызық.


Пікірлер (0)

Пікір қалдырыңыз

Жиі қойылатын сұрақтар

Сызықтар өлеңінің авторы кім?

Сырбай Мәуленов — осы өлеңнің авторы.

Сызықтар өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сызықтар өлеңі не туралы?

Бұл өлеңде Сырбай Мәуленов өз ойы мен сезімін көркем түрде жеткізеді.

Сызықтар өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері