Өлең, жыр, ақындар

Тақташ

  • 07.02.2016
  • 0
  • 0
  • 1807
Өлермін де
Ұмытылармын деп,
Бекер,жүрек,жанасың.
Тамбов ормандары
Сағынар әлі
Өзі өсірген бунтарь баласын.
Һ.Тақташ
Ей,Тақташ,
Келешек келіспесе,
Бұл сөзімді теріс десе,
Өзі айта жатар бітімді.
Ей,Тақташ,
Тамбов ормандары,
Торғай өзендері,
Екеумізге аздық ететін сықылды.
Бір өзің бір белестей,
Ешкіммен іргелеспей,
Қалдың сен ел есінде,
Еділ бойлап,
Еліңде ойлап,
Барасың келешек кемесінде.
Жүреді жүректерде:
Жүзіп даусың,
Өткір көздерің,
Уытты сөздерің
Сен қызықпайсың
Өлең-жырына өзгенің.
Ардақты есімің,
Біледі сені бүкіл ақын халық
Әдірессіз болашақ ұрпақтардың
Қағады есігін
Хатың барып.
Сұрамастан
Көшесін,
Үй нөмерін
Шығады төрге сенің сыйлы өмірің.
Ей,Тақташ,
Кетті шырқап өлеңдерің
Таңданбашы
Жас жұртыңа
Жалғыз Тамбов емес
Көп елдердің
Бар таңбасы
Сенің ақындық паспортыңда.



Пікірлер (0)

Пікір қалдырыңыз

Түз

  • 0
  • 0

Алдымызда жатты аунап,
Соғыстың қан теңізі.
Арқамызда ақ таңдақ
Сор боп қатты тер ізі.

Толық

Балалық досы

  • 0
  • 0

Достары қандай ыстық балалықтың,
Мен оны көп жылдан соң жаңада ұқтым.
Жарысу жалаң аяқ қызық еді,
Астында сіркіреген қара бұлттың.

Толық

Өкініш

  • 0
  • 0

Естіген жоқпыз сөзін де,
Онымен бірге жүрмедік.
Дариға-ай, тірі кезінде
Қалмадық жүзін бір көріп.

Толық

Қарап көріңіз