Сандуғаш

Ұя салған үй алдына
Туған өлке сандуғашы.
Әлі жүрсің қия алмында
Балалықтың бал құрдасы.
Күндер бізден жылдам ұшты,
Қиялдадық біз алысты.
Бірге бөлдік қуанышты,
Білген жоқпыз қызғанышты.
Сен ұштың, мен жүрдім жерде,
Айырылмайды дос арасы.
Болды тұрақ бұл өмірде,
Біздің үйдің босағасы.
Бірге өткен балғын жасым,
Бір кездегі жан құрдасым.
Алғаш маған ән үйреткен,
Сандуғашым, сандуғашым.

---