Өлең, жыр, ақындар

Ұстаз

  • 07.02.2016
  • 0
  • 0
  • 12782
Пушкин менен Лермонтовты сыйға алып,
Келді бір күн кең далаға Иванов.
Аңқылдаған ақ көңілді жан екен,
Бүкіл торғай қарсы алды жиналып.
Сол Иванов ұзын бойлы, иықты,
Жылы жүзбен жұрттың бәрін ұйытты.
Қарапайым мінезімен аз күнде,
Болып алды бұл далаға сүйікті.
Торғайымның аңкылдаған қарттары,
Кісілігін, кішілігін мақтады.
Балаларын апарды оның алдына,
Деп,- осыдан орысша оқы, хат таны?
Қараңғыда жарқыратқан жол үстін,
Бұл далаға болды тұңғыш ол ұшқын.
Торғайлықтар тұңғыш рет оқыды
От өлеңін озық ойлы орыстың.
Ондайлардың белгілі сол тұста азы,
Дамыл таппай өтті қарттың қыс-жазы.
Россияның сахараға жіберген,
Кетпейді естен алғашқы сол ұстазы.



Пікірлер (0)

Пікір қалдырыңыз

Ана махаббаты

  • 0
  • 1

Реңі кіріп даланың
Біткелі соғыс неше жыл.
Жас селі шайып жанарын
Жалғызын күтіп шеше жүр.

Толық

Теңізші туралы баллада

  • 0
  • 0

Теңізші туралы баллада
Жалғыз қалды ол көкала теңіз бетінде,
Жарылды толқын жай ұрған бұлттай екіге.
Аспан алыс атылып ұшып кетуге,

Толық

Қыс келбеті

  • 0
  • 1

Жерді қармен құшақтап,
Келе жатыр қыс аттап.
Қаратайдың басына
Ұялаған құс аппақ.

Толық