Мұғалімдер күні бүгін

• Ғабиден Қожахмет

Мұғалімдер күні бүгін, күні ұстаздың шаттанған,
Шәкіртіне дем бергізген, жеткізеді деп баққа арман.
Ұстаздардың күні бүгін, бар тілегі өмірде
Сол шәкірттің өрге жүзген еңбегімен ақталған.

Ұстаз мерейі

• Марфуға Айтқожина

Болғаннан соң өр талабы, ақылы,
Барған болар ерлікке де батылы.
Майдан емес, қолға қару ұстаған,
Мынау тыныш, бейбіт күннің Батыры!

Ұстазға тілек

• Ғабиден Қожахмет

Қашаннан қуаныштың асқар әні,
Өмірге келген күннен басталады.
Құт болсын туған күні тәтемізге,
Алпысы құтты болсын асқаралы.

Рақмет, алғашқы ұстаз!

• Ғабиден Қожахмет

Білім жол бәріне аңсарлы,
Ой зерек болса оған ұнадың.
Сендерді күлімдеп қарсы алды
Мектепте мейірімді мұғалім.

Мектебім мен ұстазым

• Ерлан Ахмет

Қолға қалам алдырдың,
ою-өрнек салдырдың.
Әсем әнді жаттатқан,
ойға түйіп қалдырдым.

Жас ұстаз сөзі

• Ғабиден Қожахмет

Білімнің гүлін біз
Жинадық таңдарда.
Қол создық бүгін біз
Ұстаздық арманға.

Ұстаз

• Cырбай Мәуленов

Пушкин менен Лермонтовты сыйға алып,
Келді бір күн кең далаға Иванов.
Аңқылдаған ақ көңілді жан екен,
Бүкіл торғай қарсы алды жиналып.

Ұстаздарым

• Омар Шораяқов

Аш, бабын сөздің, дүр Омар,
Жөн болса сөзің тыңдалар.
Келіспесе кестесі-
Ретсіз сөзді кім тыңдар!

Ұстазым

• Омар Шораяқов

Мәлікүл - Мәуіт періште -
Пенденің келсе оңынан,
Гүрзі алып келсе қолына -
Мүңкір - Нәнгүр солынан:

Ұстаз

• Жұмекен Нәжімеденов

Мұз жамылып жатпасын деп қыста мен —
жылы жел боп маңдайымнан сүйіп ең.
Бір ғажайып құзар-шыңды нұсқап ең,
Өзіміздің Алатаудай биік ол...

Жас ұстазға тілек

• Ғабиден Қожахмет

Талабыңмен танып білген ілімді
Қолдандың да, ұстаз болдың бүгінгі.
Жүрегіңді білім-нұрға билетіп.
Жүрсің-дағы шәкіртке сыр үйретіп.

Ұстаз тілегі

• Ғабиден Қожахмет

Жылдар бір жылдарға жалғанып,
Зыр қағар уақыт жүрдек-ті.
Мінеки, ұядан қомданып,
Түлегі ұшатын күн кепті.

Ұстазыма

• Асылан Ардақ

Асқақ арман көңілдің гүл сезімі,
Ардақтаймын білім берген ұстазды.
Анамдай ақыл айтып білім құйдың санама,
Жақсы көрем Арина апай өзіңді.

Ұстазым.

• Джинайтова Дильноза

Ұстазым деген- мейірбан,
Ұстазым деген -ізгі жан.
Ақылшым менің ұстазым,
Ұстазым деген қамқоршым.

Аяулы менің ұстазым!

Білімнің шыңын таңдамай,
Шәкіртті мүлде талғамай.
Ұстазыммен мақтанам,
Ұлағатты Жаннадай!

Ұстаздар

• Қонаш Қалдыоразұлы

Жырлаймын ұстаздарды ұлағатты,
Кеудемде жұлдыз болып тұрар аты,
Сен өзі қай мектепте оқып ең деп,
Біреулер бәлки менен сұрап жатты.

Ұстазыма

• Қонаш Қалдыоразұлы

Ұмытам ба, сонау жылды алғашқы,
Сонда жерді ерте қалың қар басты.
Тұңғыш рет көрдім ұстаз ағаны,
Содан бері жылдар жылмен жалғасты.

Ұстаз

• torali

Білім жолын бастадым ұстазбенен,
Қасиетті, киелі ұғым «ұстаз» деген.
Жүрегімнен ойып тұрып, орын алар,
Басымды иемін, ұстазға алғыспенен.

Қош бол, ұстаз

• Қонаш Қалдыоразұлы

Кешікті неге бүгін таң қылаңы?
Неліктен бозторғайдай зар қыламын.
Жан аға сен өлді деп естігенде,
Жүрегім парша-парша қан жылады.

Он алты өрен

• Ақанжан Келімбетов

Он алты өрен өсірдім тәрбиелеп қанша жыл,
Еңбегімнің қайтқаны тәлімімді алса бұл.
Риза сезім бой билеп, мақтанамын мен бүгін,
Өңкей жұлдыз жарқырап, көкірегінде жанса жыр.