Ұлағатты ұстаздарға – Sayabekovabalausa

Білім жолын ұғындырған тереңінен,
Оқушыға үйретер, берері кең.
Ұстаздықты не деген сұрақ қойса,
Ұстаздықты «Ұлылық» дер едім мен.

Ұлы ұстаз өнеге әрбір жанға,
Ұстаздарды үлгі тұтпас адам бар ма?
Дана ұстаз жолы бөлек әрдайым
Бағыт берер қоғамға , адамдарға.

Оқушысын бәрінен артық көрген,
Бар уақытын аямай бізге бөлген
Ұстаздарым мың алғыс, айтарым тек
Мен сіздерді бәрінен биік көрем!

Ақ парақ пен қаламды беріп қолға,
Жол ашқансың, ұстазым дұрыс жолға.
Талпынуға шақырдың сен мына бізді
Айтарың тек ешқашан жалқау болма!