Ленин мен болатшы

Ленинде бар бүгін қонақ кісі,
Ол атақты Златоуст болатшысы.
Лениннің өтеді көз алдынан
Оралдың қызыл-күрең жолақ түсі.
Зерттелгендей сәулелі күн ұшқынын
Біледі Ленин бұрыннан құрыш сырын.
От ішінде балқытқан көк шойынды
Сұрайды ол жан-күйін жұмысшының.
—Қайратына, күшіне сыйынарлық,
Шықсын құрыш шымыр боп иі қанып...
Қайтты елге болатшы Лениннің
Кеудесіне әр сөзін құйып алып.
...Жетті соғыс өзеуреп ойда-жақта
Қорғау үшін Ленинді оқтан, оттан.
Күндіз-түні қарт Орал кірпік қақпай
Құйды оның тұлғасын көк болаттан.
Құрыш күшін дұшпанға ер ұқтырды,
Тұғырда Ленин бұйрығын беріп тұрды.
Биіктігі аспанмен қатарласып,
Жердей болып шықты оның беріктігі.