Нартайлақ пен Айсұлу
- 1
- 2
Естілер көп жазады әңгімені,
Жазбайды ермек үшін әлденені.
«Жиреніп жаманынан, жақсыны ұғып
Алсын» деп жазады ғой өнегені:
Молдалар өзгелерді кәпір дейді...
Молдалар өзгелерді кәпір дейді,Өзі надан, наныңыз, түк білмейді.
Өзімшілдік көкейін тескен сорлы,
Аузына келгенді айтып жанын жейді.
Орыстың жақсыларын білмес қазақ,
Болып жүр сондығынан көпке мазақ.
Өнерлі, білімді елден тәлім алмай,
Қуларға еріп момындар тартар азап.
Үйренсе ғылым менен сан өнерін,
Білер еді-ау өнердің не берерін.
Танысса ақын, ойшыл адамымен,
Табар еді-ау адалдық, ар көмегін.
Білсе егер Салтыков пен Толстойын,
Сезсе олардың айтылған терең ойын.
Байрон мен Пушкиндерден ғибрат алса,
Қазақтың бөлер еді-ау нұрға бойын.
Лермонтов, Некрасовтай ақындарын,
Өнеге етсе солардың мақұлдарын.
Өзімшіл, надандықтан көзі ашылып,
Аңғарар адал жолға жақындарын.
Сұрқия, сопылардың алма тілін,
Беті тұнық, асты ылай ол бір жылым.
Өнерсің өнеге алсаң үлгілі елден,
Адамшылық өнер мен берер білім.
Алаяқ сұмдарға ерсең, болмас жолың,
Қазағым-ау, қаңғырып қайнар сорың.
Өнер-ғылым үйренсең еңбек етіп,
Мазақ болмай елдікке жетер қолың.
Пікірлер (7)
Пікір қалдырыңыз
Әлемді түгел мен көріп...
- 1
- 4
Әлемдi түгел мен көрiп,
Ешкiм менi бiлмесе.
Мұқтажым, нәпсiм жоқ болып,
Зияным жанға тимесе.
Өкінішті өмір
- 1
- 1
Қайғылының iшiнде жанар жалын,
Шалмай қоймас жалыны жолдастарын.
Өзiмдi ұрған мiнездi сөгемiн деп,
Тiлiм тисе сiздерге, кеш, достарым.
Абдусаттаров Сакен
Оте жаксы.
аяна
ос оленнен кейін шәкәрімді жек коріп кеттім
Селин
Өте керемет тура ойды айтқан өлен қазақты тура айтқан қайран болдым өлендеріне тамаша.
Омар
Шәкәрім Құдайбердіұлының «Молдалар өзгелерді кәпір дейді…» — ойлы әрі өткір өлең. Бұл шығармада ақын надандық пен ақиқатқа деген көзқарасты шебер суреттейді .
Джейлан
Керемет өлең тура ойды айтқан қатты ұнады жаттаудамын тамаша өлен бұл өлкеде көзқарасты,шеберлікті,ойды айтады.
Сара
«Молдалар өзгелерді кәпір дейді…» — ұлы қазақтың ақыны Шәкәрім Құдайбердіұлының өткір әлеуметтік поэзиясы. Бұл өлең — тек сөз тіркестері емес, қоғамдағы надандық пен өзімшілдікті сынға алатын терең ойдың көрінісі.
Шығарманың әр жолы — қазақтың рухани байлығын, ойлау күшін және адамгершілік ұстанымын көрсететін айна іспетті. Ақын қоғамдағы кейбір кемшіліктерді ашық айтады: басқаны жамандаудан гөрі, ғылым мен өнерді үйренудің, шынайы білім іздеудің маңызы жоғары екенін ұғындырады.
Өлеңде бейнеленген образдар мен теңеулер — ғасырлар бойы сақталған әдеби қабілет пен терең философиялық мағынаны білдіреді. Бұл туынды қазақ поэзиясының әлеуметтік сынға бағытталған үздік үлгілерінің бірі ретінде оқырманға ой тастайды, адам болмысының мәнін түйсіндіреді.
Осындай поэтикалық шығармалар қазақ әдебиетіндегі ақынның ой‑санасын, ұлттық болмыс пен рухани байлықты терең түсіндіруге мүмкіндік береді. Бұл өлеңді оқу арқылы әрбір адам өзінің мінезі мен айналасындағы әлемді қайта ойлануға шақырылады.