Қазақ тілім жүрегім!

1. Тілімізде құты бар даналардың
Тілімізде сүті бар аналардың
Тілімізге тікелей байланысты,
Тағдыры да болашақ балалардың.
2. Ұлт тәңірі, тіл тамыры, тереңде
Қазақ тілі келді бүгін кемелге
Тіліңменен қазақсың, әрі азатсың,
Сол арқылы биіктейсің сен өрге.
3. Қазағымды ұлы ұлт деп айта алам
Тіліменен теңізді де шайқаған
Кереметім, кеңге жайған керегесін,
Қазақ тілі теңдесі жоқ майталман
4. Қазағыма қанға сіңген ақындық
Тәжірибемен келген талай ғасырлық
Терең теңіз маржанындай термелер,
Тілімізге берді салмақ, басымдық
5. Қазақ болсаң таза сөйлеу міндетің
Құртайықшы тілдің шұбар індетін
Ұрпақтарға ұсынайық ұялмай,
Таза жазып тіл тарихтың бір бетін.
6. Тіл ұғынсаң, сонда нағыз қазақсың
Тіл бұзылса басқаларға мазақсың
Түзеп тілін, терең білім меңгерген
Сен қазақсың, сен азатсың, сен ғажапсың!