Өлең, жыр, ақындар

Жүрегіңнен жай тапсам

  • 07.05.2016
  • 0
  • 0
  • 3879
Сүйгенім де өзіңсің және алғашқым,
Өзіңменен өмірге қадам бастадым.
Табылса егер бір жігіт саған мендей,
Сендей жанды ешқашан таба алмаспын.

Өзің барда нұрланып айдай мекен,
Көктем құсы көңілде сайрайды екен.
Қанша құшып жүрсем де, жаным,сені,
Өмір бойы мен саған тоймайды екем.

Тоймаймын да, ешқашан тоя алмаспын,
Өлеңім мен өзіңді қоя алмаспын.
Мұңды жүрсең қуанту үшін сені,
Қолдан келген күшімді аянбаспын.

Күндіз естен кетпейсің, түн түсімнен,
Жүргенім жоқ мазалап күлкі үшін мен.
Сенен бөлек мені іздеп сапар шегіп,
Сенен бөлек жанымды кім түсінген.

Мезі еткенде жанымды жалбыз уайым,
Сергітетін тек сенсің жалғыз айым.
Тілегіңді айт, тартынба, керек болса,
Көкте күнді өзіңе алғызайын.

Жүрген шақта жұптасып,бауда бір боп,
Қиял қырын қыран боп самғадым көп.
Жүрегіңнен таба алсам өз жолымды,
Онда менің өмірде арманым жоқ.



Пікірлер (0)

Пікір қалдырыңыз

Қауыштық-ау ақыры

  • 0
  • 0

Өзің жақтан естимін теңіз демін,
Шалғыннан да таппадым,жоқ іздерің.
Жылы жақтан оралған жыл құсының,
Жанарынан аяулым, сені іздедім.

Толық

Өзіңсіз өмір тамұқтай

  • 0
  • 0

Жарқыным-ау, саған тек жүгінем мен,
Үніңе әсем елітіп, үңіле білгем.
Кешелер жүрсем көңілім көктемге ұласып,
Қоштасқым келіп жүр қазір бүгін өмірмен.

Толық

Шығайық қырға

  • 0
  • 0

Шығайық қырға, түсіріп еске өткенді,
Күдікшіл көңіл жапырақ сынды көк теңбіл.
Кетейік алыс мойынға орап сағымды,
Айталық біраз сырларды ұмыт кеткен бір.

Толық

Қарап көріңіз

Басқа да жазбалар