Өлең, жыр, ақындар

Айналды ел - халқының ағасына..

  • 13.04.2022
  • 0
  • 0
  • 575
Қазақтың Қайсеновы Қасым деген,
Бір кешкен апайымыз Асылменен,
Өзі сүйген халқының қаһарманы,
Сөйлесті екі бірдей Ғасырменен!
Мінезі жаратылар бастан адам,
Үлкен боп шарапатын шашқан адам.
«Ажалдың аузынан» да аман қалып,
Сексеннің сеңгірінен асқан адам.
Кім жеткен бұл адамның бағасына,
Оралып ғұмыр-дария жағасына.
Ақсу-бұлақ аулының баласы еді,
Айналды ел-халқының ағасына!
Жырыммен өмір жібін жалғай алам,
Қасым боп өтті өмірден талмай ағам.
Партизан боп жаралған барлаушы еді,
Әр адамның бағасын барлай алған.
Кезінде дәурен сүріп құрған бірге,
Қуат беріп сөйлейтін думанды елге,
Өзінің облысының Әкімі айтты:
«Ең соңғы келуім бұл Туған жерге», –
– Деген-ді қимай елін Қасым ағам,
Өлшеулі күнін сезді асыл Адам,
Туған жердің алдында жасы тамды,
Талай жаудың алдында жасымаған»,
...Осылай өтті өмірден Қасым ағам!..
Кім келіп,
Кім кетпеген бұл өмірге,
Жер-Анаң – мәңгіліктің тірегінде,
Бауыржанның жанында жатқан ағам,
Сен барсың әр қазақтың жүрегінде!..



Пікірлер (0)

Пікір қалдырыңыз

Атбегі

  • 0
  • 0

Қастерлейді қазағым — сүйеді ұлтым
Ноқтасына қашанда ие жұртым.
Мінсең – көлік, жесең – азық, ішсең – сусын,
Төрт түліктің ішінде түйе – жылқым.

Толық

Жанына батып сырқат қинағасын

  • 0
  • 0

Жанына батып сырқат қинағасын,
Ауырып төсек тартты сыйлы анашым.
Мұңайып иығыма салдым алғаш
Анамның су таситын инағашын.

Толық

Ғашық жар

  • 0
  • 0

Қыран шыңнан басқа жерге қонбайды,
Адам болсаң тағдыр өзі қолдайды.
«Қыз күнінде бәрі жақсы...» дегенмен,
Тәңір сүйсе, жаман әйел болмайды.

Толық

Қарап көріңіз