Керегіп жүр жаныма басқа бір ән

Бұл бетте «Керегіп жүр жаныма басқа бір ән» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 15.07.2016
  • 0
  • 1
  • 5389
Керегіп жүр жаныма басқа бір ән -
қайсарлыққа, өрлікке тастар ұран.
Маңыма ылғи біреулер жиналады
сезімін - сел, жүрегін жас қарыған.
Аспан ашық, болғанмен қала жарық,
жүрмесе де үйінде бала налып,
жазатайым біреуге жасын түссе,
қалады олар жырақта жараланып.
Алдарқатса мені арман үмітті ғып,
жүдейді олар қалғандай құрық сынып.
Сен ойыңа алмаған жайларыңды
жүргендері ішінен ұғып, біліп.
Ортақ етпей ешкімді мұң - жайыма,
жығылтуға тырыспай ыңғайыма
жүрсем де, азап, бейнетім менен гөрі
бататындай солардың шымбайына.
Өмір - нулы көл емес қаз жайлаған,
тірлігінен баз кеше жаздайды адам.
Қайғырғанды мен үшін көру қиын -
басқа азабы өмірдің аздай маған.
Жетер жолда шырқау көк - арманына
қырандардай қайырылмас жан қамына,
керегіп жүр маған да басқа бір ән
ұмтылыс пен от берер бар маңыма!


Пікірлер (1)

Аяужан

Фариза ақынымыздың өлеңдері терең ой қалдырады және адемі жазылған

Пікір қалдырыңыз

Жиі қойылатын сұрақтар

Керегіп жүр жаныма басқа бір ән өлеңінің авторы кім?

Фариза Оңғарсынова — осы өлеңнің авторы.

Керегіп жүр жаныма басқа бір ән өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Керегіп жүр жаныма басқа бір ән өлеңі не туралы?

Бұл өлеңде Фариза Оңғарсынова өз ойы мен сезімін көркем түрде жеткізеді.

Керегіп жүр жаныма басқа бір ән өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері