Нарын

Бұл бетте «Нарын» атты Фариза Оңғарсынова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.07.2019
  • 0
  • 2
  • 9014
Атырау – ақжарқын ел, жыршы далам,
ән мен күй көкірегінде тыншымаған.
Бабамның тері тамған топырағыңнан
әрқашан жас жаныма сусын алам.
Ұйытқан әуенімен қырдағы аңды
күй сазын анам алғаш тыңдаған - ды.
Ардагер Махамбеттей ақын ұлың
шөлдеген құмдарыңды жырға малды.
Талай жан сенде азаттық аңсап өтті,
Исатай бостандық деп жар сап өтті.
Қолға алып бұлбұл көмей домбырасын,
Дина қыз тамсандырды барша көпті.
Қасиетті тазалық бар құмдарыңда,
ез болу күнә сенде туған ұлға.
Менің де көкірегіме тыншу бермей,
жүрегім оранғандай бір жалынға.
Тарихта өмір зырлап, жылдар өтер,
орнында өзен ағар, жылға кетер...
Киелі топырағыңнан нәр сіңірген
ұл - қызың сені, Нарын, жырлап өтер!

1958


Пікірлер (2)

Амина

Өте керемет!!!!!!Маған өтееееее қатты ұнады!!!!жарысқа осыны жаттап барайын деп жатырмын!!!!

Еркеназ

маған өте қатты ұнады керемет

Пікір қалдырыңыз

Жиі қойылатын сұрақтар

Нарын өлеңінің авторы кім?

Фариза Оңғарсынова — осы өлеңнің авторы.

Нарын өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Нарын өлеңі не туралы?

Бұл өлеңде Фариза Оңғарсынова өз ойы мен сезімін көркем түрде жеткізеді.

Нарын өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері