Өлең, жыр, ақындар

Қыз-дәурен

  • 22.07.2016
  • 0
  • 0
  • 4399
Серік қып тағдыр басқаны,
Ашылды арай аспаны.
Шақырды өзге жағаға
Қол бұлғап бақыт бастауы.

Өмірде бірге достасып,
Айдында барады қос ғашық.
Жаңа өмір есік ашқанда
Қыз-дәурен қалар қоштасып.

Жастықтың желпіп самалы,
Босаға аттап барады.
Ата-ана, бауыр, ағайын
Тілекшің болып қалады.

Қызға кім кінә таға алар,
Жат жұрттық болып жаралар.
Артында қалған еліне
Қонақ боп енді оралар.

Өмірде бірге достасып,
Айдында барады қос ғашық.
Жаңа өмір есік ашқанда
Қыз-дәурен қалар қоштасып.


Пікірлер (0)

Пікір қалдырыңыз

Білімділер

  • 0
  • 0

Жоққа бәрін шығармай бұрынғының
Жаңалығын ап келді бүгінгі күн.
Соны игерер ұл-қызға дана қазақ
Күні жарық деп кеткен білімдінің.

Толық

Ана тілі

  • 0
  • 9

Ойлады ма болсыншы деп тіл аман,
Сонда ғана деді ме ұлт боп құралам.
Сонау жылы тіл мәртебе алғанда
Көзіме жас алдым дейтін бір адам.

Толық

Қарындастың ағаға тілегі

  • 0
  • 7

Сенде бүгін қуаныш, сенде бүгін той бары
Көңілімнің алабын шаттық болып жайлады.
Сендегі бар қуаныш нөсер болып төгерін
Қарындас боп сезінді сырға лайық әлемім.

Толық