**** – GulYali

Тозған үй, қураған тал, кəрі қыстау
Сілтеген жолың бопты жаңылыстау
Сені қойшы... табасың бір амалын
Мендегі сағыныштың табы қысты-ау

Қиыс жол, қалың жыңғыл, шағыл құмдар
Жол бойы көз алдымнан табылдыңдар
Оны қойшы... ендігі Баяны бар
Мендегі түгесілмес лағыл мұңдар

Ақ көлік, тассыз жолдар, кеш қалғандар
Уақытта еңсеріп кешті алған бар
Ол жайында соз қозцйғау енді артық боп
Кешпен бірге қызарып өшті армандар

Тынық түн, көл жағасы, суық бір леп
Тек маған тұрғандай-ақ суықты үрлеп
Енді ешкім айтпасын біліп жүрмін
Ало? Жаным! Қалайсың, қылықтым,- деп