Желтоқсан — Тәуелсіздік

Қаншалықты қысса дағы езілмейміз
Барша қиын кезеңдерге төзім дейміз
Желтоқсанның оқиғасын білсек те біз
Ешқашан жүрекпенен сезінбейміз
Қанша студент қыршын кетті жастайынан
Əрбір күнде көз ашпады тастай мұңнан
Соншалықты қорлықтарға шыдай алмай
Жалаң аяқ кешіп қарды асқан қырдан
Аямады қыздарды да ұрып тепті
Соншалықты тас жүректер күрсінбепті
Қыздарыма тиіспеңдер деген батыр
Қайрат атаң жиырма бірде қыршын кетті
Бұған куə кун менен ай аспандағы
Бұл батырлар тəуелсіздік баспалдағы
Қыздарыммен тəуелсіздік жолдарында
Қаза болды қазағымның қасқалдағы
Бағалайық аққан қанды төккен терді
Сыйлады олар ашық күзді көктемдерді
Ешқашанда ұмытпайық қадірлейік
Бұл өмірден қазақ үшін өткендерді

---