Өлең, жыр, ақындар

Сағаттың шықылдағы емес ермек

  • 15.04.2015
  • 1
  • 7
  • 46328
Сағаттың шықылдағы емес ермек,
Һәмишә өмір өтпек ол білдірмек.
Бір минут бір кісінің өміріне ұқсас,
Өтті, өлді, тағдыр жоқ қайта келмек.

Сағаттың өзі ұры шықылдаған,
Өмірді білдірмеген, күнде ұрлаған.
Тиянақ жоқ, тұрлау жоқ, келді, кетті,
Қайта айналмас, бұрылмас бұлдыр заман.

Өткен өмір белгісі осы сыбдыр,
Көңілді күнде сындыр, әлде тындыр.
Ақыл анық байқаған қылығыңды,
Қу шыққансып қағасың босқа бұлдыр.

Күн жиылып ай болды, он екі ай жыл,
Жыл жиылып, қартайып қылғаны бұл.
Сүйенген, сенген дәурен жалған болса,
Жалғаны жоқ бір тәңірім, кеңшілік қыл.



Пікірлер (7)

Акерке❤❤

Өте керемет өлең. Маған қатты ұнады

Руслан

Маған қуатты ұнайды керемет өлең екен.

Руслан

Өте керемет өлең екен

Неизвестно

Өте керемет өлең екен

Наргиза

Ойландыратын өлең

Айкүн

Өте жақсы бірақ қиын

Пікір қалдырыңыз

Ескендір

  • 1
  • 16

Осы жұрт Ескендірді біле ме екен?
Македония шаһары – оған мекен.
Филипп патша баласы, ер көңілді,
Мақтан сүйгіш, қызғаншақ адам екен.

Толық

Әбдірахман өлген соң өзіне айтқан жұбатуы

  • 0
  • 1

Бермеген құлға, қайтесің,
Жұлынарлық ерікті.
Ажал тура келген соң,
Шыдатпайды берікті.

Толық

Жол көрмек, жоба білмек, жиһан кезбек

  • 0
  • 1

Жол көрмек, жоба білмек, жиһан кезбек,
Бой жеңбек, ер жігітке, ғақыл таппақ.
Тағдырын көрушінің хақтан біліп,
Көшелі өнер иесін жүрсе жақтап.

Толық

Қарап көріңіз