Өлең, жыр, ақындар

АЛЛАНЫҢ СЫЙЫ

Таң атты, көзіңді аш күліп бүгін,
Әр таңнан басталады үміт-күнің.
Аллаңа құлшылық ет, тілек айтып,
Тілекті таңертеңгі қабыл етер.

Сұрағанға тілеген берем деген,
О, Жаратқан, не деген кемеңгер ең!
Аллаға қызметің адал ма екен?
Соған орай несібе үйіп берер.

Несібенің болады мың бір түрі,
Бақыт, байлық, денсаулық оның бірі.
Таңертеңнен көзіңді ашқан шағың -
Ол да бір - несібенің ең үлкені.

Барды бар деп қанағат, тоба десең,
Жоғыңды Жаратушым жеткізеді.
Сабырлы, кешірімді бола білсең,
Мәртебеңді көтеріп, өсіреді.

Әр күніңе қуанып, бағаласаң,
Қуанышқа қуаныш қоса берер.
Тіршілікті жаныңдай аяласаң,
Өмірдің алтын кілтін сыйға берер.


Пікірлер (0)

Пікір қалдырыңыз

Бос сөз

  • 0
  • 0

Бос әңгіме өсекті ермек етер,
Кей адамдар желге ұшқан қаңбақтай.
Салмағы жоқ сөздерден қуат кетер,
Шөл далада қурап қалған жантақтай.

Толық

Жақсы мен жаман

  • 0
  • 0

Жақсы, Жаман - қасиет екі түрлі,
Әр адамның бойынан қалмайды екен.
Қызметтері екі түрлі болса да,
Тек біреуін өмірге таңдайды екен.

Толық

ӨМІРГЕ ӨКПЕЛІ ЖІГІТКЕ

  • 0
  • 0

Әй, бауырым, сен неге өкпелейсің,
Бәріне де кінәлі өмір дейсің.
Өмірдің саған қандай жазығы бар,
Соны ойлап күндіз-түні көз ілмейсің.

Толық