Сенім – Нұрлыхан Сейтханов

Қорықпаңдар адамдар бұл өмірден,
О, дүние бұл өмір жалғасы екен.
Өмірдің алтын кілті өзіңде екен,
Әр пендені ап шығар Сенім екен.

Ортаймасын шаттықтан көңіл-кесең,
Сенерме ең кінәлі ол өзің десем.
Өз қолыңда өзгерту өміріңді,
Ашайын сенімнің сол сандығын мен.

Кінәліні іздесең сырттан егер,
Бұл өмірден өткенің сенің бекер.
Сыртқы дүние көрсетпес кім екенін,
Ішкі жан дүние қашанда бал мен шекер.

Қорықпаңдар бұл өмірден бауырларым,
Сезініңдер қар мен құз, дауыл барын.
Әр басқан қадамдарың берік болсын,
Сеніммен орындалып мақсаттарың,
Сенімдерің бойыңа серік болсын.