Мешітбай Құттықов

Ей, жолаушы!

Бұл бетте «Ей, жолаушы!» атты Мешітбай Құттықов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

27.04.2018
0
0
4800

Ей, жолаушы, ойланыңыз енді сіз,
Кей істер бар қылмыстарға бергісіз.
Қарулыдан бетер кейбір мас шофер,
Қашан мерт қып кететіні белгісіз.

Мас шоферге жол теңіздей телегей,
Салдыр-күлдір, ой шұқырды елемей,
Бұрылыста аунап барып қайтады,
Тайдай толқын тарпып соққан кемедей.

Бір шофердің қылығынан санасыз,
Жолаушылар есі кетіп шарасыз.
Байқамаса бірер секунд өтпей-ақ,
Бала әкесіз, ана қалар баласыз.

Ей, жолаушы, ойланыңыз енді сіз,
Мұндай істер қылмыстарға бергісіз.
Ішіп алған шофер де бір дұшпаның,
Қашан мерт қып кететіні белгісіз.

жолаушы шофер жол ей жолаушы! Мешітбай Құттықов өлеңдері

Пікірлер (0)

Пікір қалдырыңыз

Жиі қойылатын сұрақтар