Өлеңдер Бөлімі

Ақ боран

  • admin
  • 14.08.2018
  • 0
  • 1
  • 2583
Гуілдейді ақ боран бұрқақтаған,
Әппақ, нәзік ұлпасын бүркеп маған.
Бара жатыр құйындар белдерді асып,
Торғын қарды үйіріп, ұнтақтаған.
Дауылдардың біткендей күші маған,
Мынау байтақ даламды құшып алам.
Дауылыңа тосамын от кеудемді,
Сүйсе сүйсін осылай қысын адам.
Жатады кейде естіліп далаға әнім,
Дауылға ұқсас болады бала жаным.
Көргеніммен дауылдар толасын мен,
Еркелік қой өмірден қалағаным.
Гуілдейді ақ боран бұрқақтаған,
Әппақ, нәзік ұлпасын бүркеп маған.
Бара жатыр құйындар белдерді асып,
Торғын қарды үйіріп, ұнтақтаған.
Күндер де өтті көптенгі асықтырған,
Кеудемде бір белгісіз тасып тұрды ән.
Көлеңке ықтап таулардың баурайына,
Күн де батты болдырып асып қырдан.
Болдырып күн де батты асып қырдан,
Бұлттар менің арманым қашық тұрған,
Сенің үнің ілгері ұмтылдырып,
Сенің күйің кеудемді тасыттырған.
Жылдар да өтті уақытты айдап өктем,
Жанымды сырлар да мол жайлап өткен.
Жылылығы жүректі жылытып мәңгі,
Жыл құсындай, қайран күн, қайда кеткен!


Тастағы таңбалар

  • 0
  • 0

Басымырақ —
Аңыздан да шындығы,
Басымырақ —
Жақсылықтан сұмдығы.

Толық

Таң атарда

  • 0
  • 0

Таң атарда шығыс жанып алаулар,
Алаулардан оралғандай аяулы ар.
Алатаудың шыңдарынан аспанға,
Желбіреген өрттей қызыл

Толық

Тауларда жүрдім

  • 0
  • 0

Тауларда жүрдім,
Тау таулығын көрсетті,
Ақша бұлттармен көрші етті!
Қыраны шалған қиырын

Толық

Қарап көріңіз


Пікірлер (1)

Амира

Супер пупер

Пікір қалдырыңыз

×