Кеудемді мекендеп..

Бір аққу келген-ді,
Кеудемді мекендеп.
Ұмтылдым мен де енді,
Аққуға жетем деп.
Үркітіп алдым ба,
Айдынның еркесін.
Тұрды алыс алдымда,
Тау жайып өркешін.
Биікте бұлқынды,
Қанатын сабалап.
Өшіріп күлкімді,
Кетті ұшып табалап.
Шулайды ақ айдын,
Ақ бұлттар көшеді.
Оранып тоғай мұң,
Қоңыр жел еседі.
Толқынын сапырып,
Көл тынып жатады.
Аққуын шақырып,
Мұңға да батады.
Қай көлді мекендеп,
Қай жақта жүр екен?
Жетпесе жетем деп,
Армандау құр екен...

---