Жанымда бір көңілсіздеу жатыр ән

Жанымда бір көңілсіздеу жатыр ән
Сен таңданба.
Кейде соған өлең іздеп отырам,
Жұрт ұйқыда таңдарда.
Күлкі жайнап бет пердем,
Періште кеп құлағыма сыбырлап,
Ұйқас сыйлап кеткендей,
Тез қуанам жыбырлап.
Сосын жылдам мұңайып,
Сыймайтындай қара жердің бетіне.
Жынданғаным – бір айып,
Қашып елдің шетіне.
Күлме маған, өзім де ұқпай отырам,
Мінезімді ғашықтыққа жалданған.
Жанымда бір көңілсіздеу жатыр ән,
Сен таңданба.

---