Қылықты қыз – Serykbai

Таңдап ішіп жүрсек те тұнықты біз,
Ойымызбен алайда күдіктіміз.
Шаншу болып жүрекке қадаласың,
Қылығыңмен кей сəтте, қылықты қыз.

Қылығыңмен кей сəтте, қылықты қыз,
Қыз тағдырын қалаусыз ұғынттыңыз.
Сырласу бар болғанмен, мұңдасу бар,
Бірге болу жоқтығын біліп тұрмыз.

"Жақсы адамсыз" күмəнсіз, қылықты қыз,
Жақсылардан қашанда үміттіміз.
Қисық жерді түзерміз, түзетерміз,
Жалғай мəңгі алмаспыз сынықты біз.

"Жақсы адамсыз" қылықсыз қылықпенен,
Қандай жан бар себепсіз күдіктенген.
Бақытты ғой біреулер өзіңізбен,
"Жүрегінің жартысын үзіп берген".

Авторы: Серікбай Өркенұлы