Ақын әйел

«Әлем мен бесікті тербеткен жандарға поэзияны
тербету қиындық келтірмес...»
Әкім Ысқақ

Ақын – әйел, ақын-ана қандай-ды?
Көкірегін сан мың тағдыр тырнайды
Ер мінезді өн бойына тіктеп ап
Әйелдердің қырық жанын жырлайлы.

Елім дейді, ерім дейді , ошағым,
Өмірінде бір жол және қос ағын.
Оң қолында қаламы, ал екінші –
Болашаққа дайындайды жасағын.

Қазанымен қоса шабыт қайнатып,
Ойындағы жүр бұлбұлын сайратып.
Дәмдеуіштер себелейді дәмді етіп,
Жырыменен дастарханын жайнатып.

Ақын-ана «балам» деп көз ілмейді,
Шіркін,бірақ, шаршауды сәл білмейді.
Түн ұйқысын төрт бөледі әлдимен,
Бесігімен жырын бірге тербейді.

Ақын-ұстаз ерекшелеу дәрісі,
Жазылады,жатталады әр ісі.
Асыл жыр боп өрілген өр жолында,
Шәкірттері еңбегінің мәнісі.

Ақын-әйел, ақын-ана қандай-ды?
Жыр-қанаты шындық тауын шарлайды.
Мың құбылған тіршіліктің тегісін
Қалам және қағазымен барлайды.