Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Бекзат Берікболова

Көзсіз өмір

Бұл бетте «Көзсіз өмір» атты Бекзат Берікболова жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

bekzatmaratovna
23.11.2018
0
0
3139

Көре алмас ең көз болмаса ақ таңды,
Көре алмас ең күн қызарып батқанды
Оранса да айнала гүл көктемге
Сезбейсің ғой ағаш бүршік атқанды.

Көрмейсің ғой тамшысын да жауынның
Білу қиын ашуын да дауылдың
Жапалақтап жауса-дағы ақша қар
Көз болмаса оның өзін көру мұң.

Көз болмаса, айтшы, кімге керексің?
Басқалардан осың үшін ерексің
Өзгелердің шаттығына қуанып
Бөліспейсің, себебі сен бөлексің.

Көзсіз өмір-мәңгілік қара тұнық
Ғашық жанның көзінде қара құлып
Күлімдеген сүйгеніңнің жүзіне
Айта алмайсың сезіміңді қарап тұрып.

Көзсіз қиын сезіну махаббатын,
Аналардың қуаныш, салтанатын
Жымың қақса көзінен төгілетін
Көрмейсің ғой мейірім, шапағатын.

Сыйға берген қос жанарды Жаратқан
Сол жанармен қарсы аламыз таңды атқан
Бұл өмірдің тек жақсысын көрсет те
Жамандық пен сатқындыққа қаратпан.

Көзіміздің тек қадірін білейік
Жанарларға мол игіні ілейік
Әлемдегі ең жақсыны көретін
Қос жанарды күтіп, қорғап жүрейік!

OYAN 18 көзсіз өмір... Берикболова Бекзат өлеңдері bekzatmaratovna өлеңдері

Пікірлер (0)

Пікір қалдырыңыз

Жиі қойылатын сұрақтар