Оян

Оян
Өмірге айта берме шағымды аса,
Бірден жеміс бермейді балдырған түп.
Қолыңнан не келеді бәрін жаса,
Қалғанын тәуекел деп Раббыңнан күт!

Күндерің келер сенің тәуір әлі,
Басылар қателіктің дауылы әлі.
Шаңсорғыштың өзін де шаң басады,
Дәрігердің өзі де ауырады.

Бүгінгі ақылы оны қолдаса егер,
Кешегі қателікпен жүрмес еді ?!
Кешегі қателігі болмаса егер,
Бүгінгі ақылы оның кірмес еді ?!

Балуан бәсекесіз шынықпайды,
Болмасын өміріңе сенде нала.
Өмірде ешнәрсені құртпайды,
Еш нәрсе істемейтін пенде ғана.

Рухани жүрегім "қора ма" деп,
Сабырлылар төзімнен тал еккізген.
"Осылай жасауға бола ма?",- деп,
Әдепті үйренесің әдепсізден.

Тағдырың тоғыстырса шараң неде?!
Бал қадірін білмейсің қиналмасаң.
Басшыңды еш уақытта жаман деме,
Өз- өзіңді басқарып жеңе алмасаң.

Пақыр пітір беруге парызды емес
Әрнеге айта берме арызды нақ,
Қандай өмір сүргенің маңызды емес,
Қалай өмір сүргенің маңыздырақ!

---