Биік белес, асқар таудай тұр арман – Жанелья Торалы

Биік белес, асқар таудай тұр арман

Бір сәт келіп, ой - санамды тербетіп,
Қалам алам қолыма, ақ қағазға серметіп.
Бәрін жазам, көңіл - күйді төңкерем,
Міне, менің нағыз бейнем, нағыз менің келбетім.

Түрім емес, қас пен көзден құралған,
Жан дүнием ақындыққа сұранған.
Ізденісім тоқтамайды бір сәтке,
Биік белес, асқар таудай тұр арман.

Жеткіземін көңіл - күйді өлеңмен,
Бар ойымды өлеңменен өрем мен,
Күш секілді, тұмар болған мойныма,
Осы өнерге тұла бойым бөленген.

Тоқтатпайды ерекше күш, еш мені,
Тәңірімнің сый тартқаны, шешкені.
Жетсем егер, ақындықтың шыңына,
Еңбегімнің еленгені, өнегемнің өскені.